Las Piñas City — Nagsagawa ng Community Outreach Program ang mga tauhan ng Las Piñas City Police Station sa Pag-asa Covered Court, Pag-asa Compound, Brgy. Pilar, Las Pinas City bandang alas-10:00 ng umaga ng Huwebes, Abril 21, 2022.
Ang naturang programa ay kaugnay sa Duterte Legacy Caravan kung saan pinamunuan ito ni Police Colonel Jaime Santos, Chief of Police ng Las Piñas City Police Station.
Sa unang parte ng programa, nagsagawa ng feeding program at namahagi ng packed lunch para sa mga dumalong residente.
Ang sumunod na aktibidad ay ang pagtalakay sa Basic Criminal Investigation at Anti-Violence Against Women and Children Act of 2004 at pag-dedemonstrate kung paano maging isang First Responder.
Ipinaliwanag din sa kanila ang RA 11479 o Anti-Terrorism Act of 2020, Resistance Education against Drugs, RA 9165 o Comprehensive Dangerous Drugs Act of 2002, NTF-ELCAC ng gobyerno, at ang Pambansang Lingkod Bayan Advocacy Support Group kung saan hinikayat ang mga kalahok na sumali rito.
Natapos ang programa sa pagpapasalamat ng mga residente sa aktibidad na ito ng PNP kung kaya binibigay nila ang kanilang suporta upang mas mapalawak at maging makabuluhan ang mga ginagawang programa ng gobyerno sa bansa.
Source: SPD
###
Panulat ni PSSg Remelin Gargantos
