Tabuk City, Kalinga – Nagsagawa ng Joint Medical and Dental Mission ang Kalinga PNP sa St. Francis of Assisi Church, Brgy. Poblacion, Tinglayan, Kalinga nito lamang Martes, Oktubre 4, 2022.
Katuwang sa aktibidad ang mga tauhan ng Kalinga Police Provincial Office Medical Reserve Force, Station Health Unit, 2nd Kalinga Provincial Mobile Force Company sa pamumuno ni Police Lieutenant colonel Jeffrey Vicente, Acting Force Commander; St. Francis of the Assisi, sa pangunguna ni Rev. Father Theodoro Baculi Pic-it Jr., Parish Priest; Provincial Community Affairs and Development Unit; Tinglayan Municipal Police Station; at Provincial Medical and Dental Unit.
Kasama din sa nasabing aktibidad ang iba’t ibang line agencies at Officer’s Ladies Club (OLC), sa pangunguna nina Joyce Tagtag at Ms. Jeanette Domallig, James Sagmayao Edduba, Provincial Governor, Tinglayan LGU, RHU Lubuagan, RHU Pasil, Kalinga Provincial Hospital, Kalinga District Hospital, Kalinga Gabriela Mija Kim Medical Center, Juan M Duyan Memorial District Hospital, Imallango Troopers Association, at St. Peter Chapel Hospital sa pamumuno ni Police Colonel Charles L Domallig, OIC.
Nagkaroon ng medikal at dental na konsultasyon, pagbunot ng ngipin, pagtutuli, libreng gupit, pamamahagi ng mga libreng gamot, libreng masahe, at iba pang serbisyong pangkalusugan sa 400 na benepisyaryo.
Namahagi ng Information, Education and Communication (IEC) materials tungkol sa anti-terrorism at anti-illegal drugs na kalakip ang mga calling cards na naglalaman ng iba’t ibang emergency hotline ng mga istasyon at yunit ng pulisya sa Kalinga.
Ito ay kaugnay sa programa ng PNP na MKK=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong ilapit ang mga serbisyo ng gobyerno upang makuha ang tiwala, kumpiyansa, suporta at kooperasyon ng mga mamamayan.
Panulat ni Patrolman Raffin Jude Suaya
