Iguig, Cagayan – Nagsagawa ang Iguig PNP ng Community Outreach Program sa Barangay Baculud, Iguig, Cagayan nito lamang Hulyo 13, 2022.
Ang aktibidad ay alinsunod sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Ito ay pinangunahan ni Police Lieutenant Crisandra B Aggabao, Deputy Chief of Police ng Iguig Police Station kasama ang mga aktibong miyembro ng KKDAT Members at mga Barangay-Based Group at MBK-Life Coaches Cagayan Valley na pinangunahan ni Pastor Ruel Teh.
Ang mga grupo ay nakapagtanim ng mahigit 25 Melina Tree seedlings pagkatapos nagwalis at namulot ng damo sa nasabing lugar.
Nagsagawa din ng feeding program at namahagi ng food packs habang ang mga ibang kalahok ay sumasayaw sa isa sa programa na project INDAK (Iguigenios Nurturing Dance Accelerating Kinship).
Bukod dito, nakinig din ang mga dumalo sa salita ng Diyos mula sa libro ng Genesis 1:27.
Layunin nitong maghatid ng mga pangunahing serbisyo sa mga mamamayan upang madama nila na ang pamahalaan ay nagmamalasakit sa kanilang kapakanan at seguridad.
Source: Iguig Pcr
###
Panulat ni Police Senior Master Seargent Marisol A Bonifacio
