Mayoyao, Ifugao – Matagumpay na nagsagawa ng Community Outreach Program ang Ifugao PNP sa Barangay Nalbu, Mayoyao, Ifugao noong Hulyo 19, 2022.
Ang nasabing aktibidad ay pinangunahan ng mga tauhan ng Mayoyao Municipal Police Station na pinamunuan ni Police Major Richard B Ananayo, Acting Chief of Police katuwang ang mga tauhan ng lokal na pamahalaan.
Ang nasabing grupo ay namahagi ng food packs at nagbigay babala patungkol sa iba’t ibang uri ng kriminalidad.
Ayon kay PMaj Ananayo, ang nasabing aktibidad ay kaugnay pa din sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos, at Maunlad na Pamayanan”.
Ang aktibidad ay naglalayong tulungan ang mga taong nangangailangan lalo na sa mga pamilyang kapos-palad at upang ipadama sa kanila ang serbisyong hatid ng pamahalaan at kapulisan.
Source: PNP Mayoyao Ifugao
###
