Ginatillan, Cebu – Nagsagawa ng Community Outreach Program ang mga tauhan ng Ginatillan Municipal Police Station sa Barangay Cagsing, Ginatillan, Cebu nito lamang Biyernes, Hulyo 15, 2022.
Ang aktibidad ay pinangunahan ng butihing hepe ng naturang istasyon, Police Lieutenant Canciano G Llenos IV, katuwang ang ilan sa mga tauhan nito at maging ang mga pamunuan ng nasabing barangay.
Ang nasabing programa ay inilunsad bilang pakikiisa sa ika-27th Police Community Relations Month Celebration na may temang “Ugnayang Pulisya at Komunidad tungo sa Mapayapa, Maayos at Maunlad na Pamayanan”.
Ayon kay Police Lieutenant Llenos, kasabay ng pamamahagi ng mga pagkain na kanilang inihanda para sa mga bata, masaya at maayos naman nilang inihandog sa mga naging benepisyaryo ng naturang programa ang mga dalang relief goods.
Lubos naman ang pasasalamat ng mga residente ng naturang barangay sa tulong na kanilang natanggap.
Maliban sa pagpapanatili ng maayos na ugnayan ng komunidad at pulisya, hangad ng Ginatillan MPS na maipakita at maipadama sa mga residente na kanilang nasasakupan ang kaayusan at kapayapaan na kanilang natatamasa bunga ng kanilang pakikiisa.
###
