Enrile, Cagayan – Nagsagawa ang Enrile PNP ng Community Outreach Program sa Barangay Alibago, Enrile, Cagayan noong Agosto 12, 2022.
Ang aktibidad ay pinangunahan ni Police Lieutenant Precil M Morales, Deputy Chief of Police sa pangangasiwa ni Police Major Rufo Pagulayan, Chief of Police ng Enrile Police Station, kasama ang Barangay-Based Advocacy Group, mga miyembro ng KKDAT, kawani at tauhan ng paaralan, at mga residente ng naturang lugar.
Nagkaroon ng feeding program sa Alibago Elementary School kung saan mahigit kumulang 50 na mga bata ang nabigyan ng mainit at masarap na arrozcaldo, soda at libreng facemasks.
Tinalakay din sa mga bata ang patungkol sa Coronavirus Awareness Response and Empowerment at hinikayat silang sundin ang minimum public health standard at gamitin ang vaccination program ng gobyerno upang tuluyang makaiwas sa pagtaas ng virus at kabilang din sa tinalakay ang EO 70 NTF ELCAC program ng gobyerno.
Nagsagawa din ng dayalogo sa mga residente patungkol sa RA 9262 o Anti-Violence Against Women and Their Children Act of 2004, RA 9165 o Comprehensive Dangerous Drugs Act of 2002, RA 8353 o Anti-rape Law at RA 7610 o Special Protection of Children Against Abuse, Exploitation and Discrimination Act.
Ang aktibidad ay naglalayong ipaabot ang mga pangunahing serbisyo sa mga residenteng kanilang nasasakupan lalo na sa kabataan at mas lalo pang mapagtibay ang ugnayang pulisya at mamamayan na may tiwala sa bawat isa.
Source: Enrile PS
###
Panulat ni PEMS Alilyn Wilcox
