Maguindanao del Norte – Nagsagawa ng community outreach program ang mga miyembro ng Datu Blah Sinsuat Municipal Police Station sa Barangay Matuber, Datu Blah Sinsuat, Maguindanao del Norte nito lamang ika-16 ng Disyembre 2023.
Ang naturang aktibidad ay pinangunahan ni Police Captain Abdulbasit Kulod, Chief of Police ng Datu Blah Sinsuat MPS, katuwang ang Barangay Local Government Unit Matuber sa pamumuno ng kanilang butihing Punong Barangay, Hon. Datu Zacaria Sinsuat.
Dinaluhan din ni Police Colonel Sultan Salman Sapal, Provincial Director ng Maguindanao del Norte Police Provincial Office at nagbigay ng mensahe na ang PNP ay laging nandiyan para magbigay tulong at protekta sa mamamayan.
Kabilang sa nasabing aktibidad ay ang pagbibigay ng relief goods at food package.
Labis ang tuwa at sayang naramdaman ng mga naging benepisyaryo sa kanilang natanggap at lubos naman ang pasasalamat ng mga mamamayan sa naturang aktibidad.
Ito ay nagpapatunay na ang PNP ay laging nandiyan para tumulong at magbigay serbisyo para sa mas matatag na ugnayan ng PNP at mamamayan.
Panulat ni Patrolman Mark Vincent Valencia
