Maguindanao – Nagsagawa ng Community Outreach Program ang mga tauhan ng Cotabato City Police Office sa mga naging biktima ng Bagyong Paeng sa Datu Odin Sinsuat, Maguindanao nito lamang ika-13 ng Disyembre 2022.
Ang naturang programa ay may temang Kadtabanga Program o (Adopt A Madrasah Project) na pinangunahan ni Police Lieutenant Colonel Carmelo Mungkas, Hepe ng City Community Affairs and Development Unit.
Kabilang sa aktibidad ang pamamahagi ng school supplies at food packs sa mga estudyante ng Madrasatul Baraguir Litalimil Islamiyah.
Samantala, ang Pambansang Pulisya ng Pilipinas ay hindi magsasawang magbigay ng tulong sa ating mga kababayan na lubos na nangangailangan at ito ay patunay lamang sa mas lalo pang pinagtitibay na relasyon ng PNP at ng komunidad.
Source: Cotabato City Police Office
Panulat ni Patrolman Charlie Nasroden Corpuz
