Cagayan de Oro City – Nagsagawa ng Community Outreach Program ang mga tauhan ng Cagayan de Oro City Maritime Police Station sa Bulua, Leupapo Inc., Cagayan de Oro City nito lamang Linggo, Disyembre 18, 2022.
Ang naturang aktibidad ay pinangunahan ni Police Captain Nelson Baldamor Jr., Station Chief ng Cagayan de Oro Maritime Police Station.
Namahagi ng school supplies, food packs at mga regalo sa mga batang cancer patient.
Layunin nito na magbigay saya sa mga kabataan at ipadama ang diwa ng pasko na sumisimbolo sa pagmamahalan, pagbibigayan at pag-asa sa mga batang may karamdaman.
Panulat ni Patrolman Johmel Tan/RPCADU 10
