Oriental Mindoro – Nagsagawa ng Community Outreach Program ang mga tauhan ng Calapan City Police Station sa Barangay San Vicente South, Calapan City, Oriental Mindoro noong Oktubre 5, 2022.
Ang aktibidad ay pinangunahan ng Calapan City Police Station sa pamumuno ni Police Lieutenant Colonel Anthony Ramos, Chief of Police ng Calapan CPS, mga tauhan ng Philippine Army, Rotary of Downtown Calapan, Calapan Muslim Association, Calapan City Social Worker and Development, miyembro ng Advocacy Support Groups at ng mga Barangay Opisyal ng Brgy. San Vicente South.
Namahagi ang grupo ng pagkain sa 100 na mga estudyante ng Brgy. San Vicente South, Calapan City, Oriental Mindoro at labis ang tuwa at lubos na nagpapasalamat ang mga guro at mga mag-aaral sa nasabing barangay.
Layunin ng aktibidad na ito na palakasin ang diwa ng bayanihan sa pagtulong sa ating mga estudyante lalong lalo na ngayong face to face classes.
Source: Calapan Cps
Panulat ni Patrolman Erwin Calaus
