Baggao, Cagayan – Nagsagawa ng Community Outreach Program ang mga kapulisan ng Cagayan sa Barangay San Miguel, Baggao, Cagayan nitong Martes, Abril 5, 2022.
Ang aktibidad ay pinangunahan ni Police Colonel Renell Sabaldica, Provincial Director ng Cagayan Police Provincial Office kaugnay sa “Pabirthday ni PD Manoy” sa tulong ng Provincial Community Affairs and Development Unit at Baggao Police Station.
Dumalo din sa aktibidad si Dir. Flormelinda Olet, Regional Director ng National Intelligence Coordinating Agency, kung saan prinesenta niya ang tungkol sa mga programang nakapaloob sa EO 70 National Task Force to End Local Communist Armed Conflict at ang mga paraan ng pagrerecruit ng mga mapaglinlang na teroristang grupo lalo na sa mga kabataan.
Mahigit 300 na kataong nagsidalo kasama na ang mga bata ang napakain sa isinagawang feeding program, nakapamahagi din ng relief packs na naglalaman ng bigas, noodles, kape, asukal at iba pang dry goods.
Nakatanggap din ang mga residente ng mga medisina at mga bitamina.
Dagdag pa dito, natuwa ang mga bata dahil nakatanggap sila ng pera at bagong tsinelas.
Samantala, hinimok ni PCol Sabaldica ang publiko na tulungan ang PNP sa kampanya nito laban sa kriminalidad, ilegal na droga at terorismo upang makamit ang ninanais na sitwasyon ng kapayapaan at kaayusan sa buong probinsya.
Source: Cagayan Police Provincial Office
###
Panulat ni Police Staff Sergeant Donabel T Dulin
