Zambales – Nagsagawa ng Community Outreach Program ang Cabangan PNP para sa mga mag-aaral ng Maporac Elementary School ng Sitio Maporac, Brgy. New San Juan, Cabangan, Zambales nito lamang Biyernes, ika-22 ng Setyembre 2023.
Ang naturang aktibidad na pinamunuan ni Police Major Anthony Berdonar, Acting Chief of Police ng Cabangan Municipal Police Station katuwang si Mr. David Sajuh ng Rotary Club Hongkong at iba pang miyembro ng Force Multiplier.
Umabot sa 224 na mag-aaral ang nabigyan ng school supplies at feeding program sa nasabing paaralan.
Nagbigay ngiti at saya sa mga kabataan ang libreng tulong at malasakit mula sa mga awtoridad.
Patunay lamang na naghahatid ng serbisyo ang Cabangan PNP sa kanilang nasasakupan hindi lang sa pagpapanatili ng kaayusan kundi sa pagpapaabot ng tulong para sa mga kabataan.
Source: Cabangan Municipal Police Station
Panulat ni PCpl Jeselle V Rivera
