Nagsagawa ang mga miyembro ng Maritime Group sa Bohol ng community outreach program sa Sheperding Grace Orphanage, Dao, Dauis, Bohol noong ika-30 ng Oktubre 2022.
Ang aktibidad ay pinangunahan ni Police Staff Sergeant Jesson Gutual sa direktang pangangasiwa ni Police Lieutenant Lucio DC Vergara Jr, katuwang ang Aranaydo Family at mga staff ng Sheperding Grace Orphanage.
Lubos naman ang tuwa at galak ng tinatayang nasa mahigit 30 na mga bata na naging bahagi ng programa dahil sa masustansya at masasarap na pagkain na hatid ng grupo.
Kasabay ng pagdiriwang ng kaarawan ng isa sa mga miyembro ng Aranaydo Family, nagpapasalamat ang Maritime Group sa tulong at suporta ng naturang pamilya para sa katagumpayan ng aktibidad.
