Nagsagawa ng Community Outreach Program ang mga tauhan ng Bohol Police Provincial Office sa Muslim Compound sa Talibon, Bohol nito lamang ika-1 ng Hulyo 2022.
Ang nasabing aktibidad ay pinangunahan ni Police Lieutenant Colonel Joseph P Berondo, Chief, PCADU, katuwang ang Talibon Municipal Police Station, stakeholders, Terrence-Beth Martin Giving Hope Inc., miyembro ng KKDAT at kasama ang Muslim Community Leader ng nasabing lugar.
Ayon kay PLtCol Berondo, mahigit sa 150 na mga bata at matatanda ang nakilahok sa nasabing aktibidad at nakatanggap ang mga ito ng mga food packs, dental at hygiene kits at mga tsinelas.
Ayon pa kay PLtCol Berondo, Ang Bohol Police Provincial Office kasama ang Talibon Police Station ay sinisiguro na pagtitibayin ang naumpisahan na magandang ugnayan ng kapulisan at komunidad lalo na ang kapayapaan ng ating mga kapatid na Muslim at ng Kristiyano sa ating bansa.
Dagdag pa ni PLtCol Berondo, na ang nasabing aktibidad ay kasabay ng pagdiriwang sa ika-27th Police Community Relation Month na may temang “Ugnayang Pulisya at Komunidad tungo sa Mapayapa, Maayos at Maunlad na Pamayanan”.
Hinimok naman ni PLtCol Berondo ang ating mamamayan na patuloy na suportahan ang ating pamahalaan lalo na ang Pambansang Pulisya upang masugpo ang mga ilegal na gawain at mapanatili ang kapayapaan sa ating bansa lalo na sa Bohol.
Hangad ng Bohol Police Provincial Office na mapanatili ang kapayapaan ng bawat isa at patuloy na makiisa ang mamamayan sa mga aktibidad na isinasagawa ng ating pamahalaan upang mas lalo pang tumibay ang naumpisahan na magandang ugnayan.
###
Panulat ni Carl Philip L Galido
