Tarlac – Tuloy-tuloy na naghahatid ng tulong ang Bamban PNP sa pamamagitan ng Community Outreach Program para sa mga katutubong mag-aaral ng Brgy. Sto Niño, Bamban, Tarlac nito lamang Lunes, ika-5 ng Hunyo 2023.
Pinangunahan ito ni Police Major Perfecto De Mayo Jr, Acting Chief of Police ng Bamban Municipal Police Station, katuwang ang 2nd Special Action Company ng PNP Special Action Force, Advocacy Support Group, Force Multipliers at Bamtar Riders at Drago Squad Task Force.
Naghatid ng libreng pagkain sa mga bata at bigas naman para sa mga kababayan nating katutubong Aeta.
Lubos ang galak at pasasalamat ng mga benepisyaryo sa hatid na malasakit at tulong sa kanilang lugar.
Kaugnay ang naturang aktibidad sa Community Engagement na kabilang sa 5-Focused Agenda ni Chief, Philippine National Police na si Police General Benjamin Acorda Jr.
Patuloy ang Tarlac PNP sa paghahatid ng serbisyo at pagsasagawa ng mga iba’t ibang programa ng pamahalaan para sa kanilang nasasakupan na lubos na nangangailangan.
Source: Bamban Municipal Police Station
Panulat ni Police Corporal Jeselle Rivera/RPCADU3
