Baguio City – Nagsagawa ng Community Outreach Program ang Baguio City Police Office – Police Station 3 sa mga mag-aaral ng Lucnab Child Development Center, sa Brgy. Lucnab, Baguio City nito lamang Sabado, Nobyembre 19, 2022.
Ang naturang programa ay pinangunahan ni Police Captain Olivia Galuzo, Deputy Station Commander, katuwang ang mga miyembro ng Kabataan Kontra Droga at Terorismo (KKDAT) Pacdal Chapter.
Tinatayang 33 na bata ang hinandugan ng mga school supplies at hygiene kits.
Bukod pa rito ay nagsagawa rin ng story telling at tinuruang magkulay ang mga mag-aaral na sinundan ng feeding program.
Labis naman ang pasasalamat ng mga mag-aaral at guro ng nasabing paaralan sa tulong at serbisyong hatid ng Baguio City PNP.
Ang aktibidad ay kaugnay sa paggunita ng National Children’s Month 2022 na may temang “Kalusugan, Kaisipan at Kapakanan ng Bawat Bata, Ating Tutukan” at naglalayong mapangalagaan ang kapakanan ng mga kabataan.
