Aurora – Nagsagawa ng Community Outreach Program ang 2nd Provincial Mobile Force Company ng Aurora PNP sa mga dating rebelde na ginanap sa Brgy. Calaocan, Dipaculao, Aurora nito lamang Huwebes, ika-29 ng Disyembre 2022.
Ito ay pinangunahan ni Police Major Jeffrey Onde, Acting Force Commander ng 2nd Provincial Mobile Force Company ng Aurora Police Provincial Office.
Naging matagumpay ang nasabing aktibidad kung saan naghandog ang Aurora PNP ng grocery packs, school supplies at nagkaroon din ng feeding program para sa mga nagbalik-loob sa pamahalaan.
Layunin ng naturang programa na mapagtibay ang ugnayan ng PNP at ipaabot ang serbisyo ng ating pamahalaan sa mga mamamayan.
Source:2nd PMFC, Aurora PPO
Panulat ni Patrolman John Lorenz Ilagan
