Tuwa at pag-asa ang hatid ng Apayao Police Provincial Office sa kanilang isinagawang Community Outreach Program sa mga piling residente ng Luyon, Luna, Apayao nito lamang Disyembre 24, 2023.
Ang aktibidad ay pinangunahan ni Police Captain Marvin Fey-agan, Assistant Chief PCADU, Apayao Police Provincial Office, sa ilalim ng pangangasiwa ni Police Colonel Jefferson Cariaga, Provincial Director, kasama ang mga miyembro ng Kabataan Kontra Droga at Terorismo.
Umabot sa 52 Indigent families ang nakatanggap ng Noche Buena Packages.
Pasasalamat naman ang naging tugon ng mga benepisyaryo sa mga natanggap nilang pamasko mula sa mga nasabing grupo.
Layunin ng aktibidad na maipadama sa ating mga kababayan na lubos na nangangailangan ang pagkalinga at pagmamahal na siyang tunay na diwa ng pasko.
