Anda, Bohol – Nagsagawa ng Community Outreach Program ang mga tauhan ng Anda Municipal Police Station sa Barangay Suba, Anda, Bohol nito lamang Huwebes, ika-21 ng Hulyo 2022.
Ang aktibidad ay aktibong pinangasiwaan ni Police Lieutenant Ponciano M Entroliso Jr., Chief of Police, katuwang ang mga Barangay Official ng Anda Bohol.
Ang naturang aktibidad ay alinsunod sa ika-48 Nutrition Month Campaign na may temang “New Normal na Nutrisyon Sama Samang Gawan ng Solusyon” at bilang pakikiisa sa ika-27th Police Community Relations Month Celebration.
Ang naging hakbang ng Anda MPS katuwang ang mga Barangay Officials ng lugar ay naglalayon na makapagbigay ng saya at tulong para sa kanilang mga residente at para sa mga bata na maipadama ang tunay na malasakit at pagmamahal ng Pambansang Pulisya.
###
Panulat ni Patrolman Carl Philip Galido
