Nagsagawa ang Ambaguio PNP ng Community Outreach Program na idinaos sa Brgy. Labang, Ambaguio, Nueva Vizcaya nitong ika-16 ng Marso 2023.
Sa pangangasiwa ni Police Major Randy Joseph Carbonell, Acting Chief of Police at sa pakikipagtulungan ng Local Government Unit ng Ambaguio, kasama ang 1st Nueva Vizcaya PMFC at ng Philippine Army ay matagumpay na naidaos ang aktibidad.
Ang aktibidad ay aktibong nilahukan ng mga Kababaihan, KKDAT members, Kalipunan ng Liping Pilipina (KALIPI), at mga opisyales ng nasabing barangay at iba pang mga stakeholders ang aktibidad.
Nakapaghatid ng serbisyo na libreng gupit sa nasa 35 na benepisyaryo, pamamahagi ng foodpacks.
Nagsagawa din ng Tree Planting Activity kung saan nakapagtanim ng 30 na seedlings ng mahogany at pagsasakatuparan ng Clean-up Drive na nasasakupan ng barangay.
Nagbahagi rin ng kaalaman hinggil sa Women’s Equity si Ginang Veronica Pitlongay ng MSWDO at hinimok ang mga kababaihan na makiisa sa nagaganap na National Women’s Month.
Kasabay ng aktibidad ay tinalakay din ng mga kapulisan ang mga batas ng Anti-Rape Law of 1997, Violence Against Woman and Their Children, batas kontra terorismo at batas laban sa ipinagbabawal na gamot.
Ang hanay ng Pambansang Pulisya ay patuloy naman sa pagpapaabot ng libreng serbisyo para sa mamamayan upang mas pagtibayin pa lalo ang ugnayan ng komunidad at ng kapulisan.
Source: Ambaguio Police Station,
Panulat ni PCpl Harry B Padua
