Taguig City — Dumagsa ang mga residente ng Palar, Pinagsama, Taguig City sa isinagawang Community Outreach Program ng 7th Mobile Force Company ng Regional Mobile Force Battalion ng NCRPO nito lamang Lunes, Mayo 1, 2023.
Ang nasabing aktibidad ay pinangunahan ng Community Affairs Section sa ilalim ng pangangasiwa ng Police Captain Jul-Musa S Saat, Company Commander, sa pamamagitan ng gabay ni Police Colonel Jonathan Calixto, Force Commander ng RMFB-NCRPO.
Nakiisa naman ang ECO-8 sweeper ng Palar sa pangunguna ni Lilian Andalan, Zone Leader, kasama ang ibang Advocacy Support Group.
Nagsagawa ang grupo ng lecture patungkol sa Police Visibility, ELCAC Advocacy Group Mobilization, dialogue at distribution of flyers, kasabay ng pagpapakain sa mahigit 100 na kabataan ng nasabing barangay.
Naglalayon ang aktibidad na patuloy na paglingkuran ang ating mga kababayan na nasa mahihirap na estado ng pamumuhay, at para tiyakin din ang kaligtasan ng publiko.
Source: RMFB NCRPO
Panulat ni PSSg Remelin M Gargantos
