Quezon City — Nagsagawa ng Community Outreach Program ang mga tauhan ng 5th Mobile Force Company ng Regional Mobile Force Battalion ng NCRPO sa Malipaka St., Novaliches, Quezon City nito lamang Sabado, Enero 21, 2023.
Ang naturang aktibidad ay pinangasiwaan ni Police Major Mark Ronan Balmaceda, Company Commander sa gabay ni Police Colonel Jonathan Calixto, Force Commander ng RMFB-NCRPO.
Namahagi ang yunit ng relief goods na naglalaman ng bigas, canned goods, noodles, kape, gamot, bitamina, hygiene kit at face mask na malaking tulong sa kanilang pamumuhay.
Gayundin, 100 na IEC materials tungkol sa Gender Awareness, COVID-19 Vaccine Efficiency, Anti-Illegal Drugs, Anti-Rape at ELCAC ang ipinamigay sa mga residente ng lugar.
Patuloy sa pamamahagi ng tulong ang Pambansang Pulisya sa ating mga kababayan upang maipadama nila ang malasakit sa komunidad.
Source: RMFB PIO
Panulat ni PSSg Remelin M Gargantos
