Basilan – Nagsagawa ng Community Outreach Program ang mga kapulisan ng 3rd Regional Mobile Force Company, Regional Mobile Force Battalion BASULTA sa Brgy. Limo-ok, Lamitan City, Basilan noong Pebrero 26, 2023.
Pinangunahan ni PCpt Kiefer Dean Beray, Company Commander ng 3rd RMFC, RMFB BASULTA ang nasabing aktibidad katuwang ang 1st Provincial Mobile Force Company, Basilan PPO.
Abot tenga ang ngiti at walang humpay na pasasalamat ang nadama ng mga batang Badjao na sila ay tinuruang magbasa, magsulat at magbilang.
Bukod pa dito ay nagpalaro ng coloring, storytelling at namahagi ng pagkain.
Ang aktibidad ay naglalayong palakasin ang mga ugnayan at pagyamanin ang maayos na ugnayan sa pagitan ng pulisya at komunidad, lalo na sa mga kabataan.
Ang aktibidad ay alinsunod sa programa ng Hepe ng Pambansang Pulisya na si Police General Rodolfo S Azurin Jr na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
Panulat ni Pat Mark Vincent Valencia
