Occidental Mindoro – Nagsagawa ng Community Outreach Program ang mga tauhan ng 1st Maneuver Platoon, 2nd Provincial Mobile Force Company Occidental Mindoro sa Sitio Dapi, Brgy. Payompon, Mamburao, Occidental Mindoro noong ika-3 ng Enero 2023.
Ang aktibidad ay pinangunahan ni Police Major Rodolfo Dagdagan Jr, Assistant Force Commander ng 2nd PMFC kasama ang mga miyembro ng Kabataan Kontra Droga at Terorismo.
Namahagi ang grupo ng masarap at masustansyang pagkain sa mga residente ng nasabing lugar.
Ito ay kaugnay sa programa ng PNP na MKK=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang ating mga kababayan na lubos na nangangailangan.
Patuloy na isinasagawa ng PNP ang mga ganitong programa na naglalayong isulong ang pagkakaisa tungo sa ligtas at maunlad na pamayanan.
Panulat ni Patrolman Erwin Calaus
