Marikina City — Masayang sinalubong ng mga tricycle driver ang mga tauhan ng 2nd Mobile Force Company ng Regional Mobile Force Company sa kanilang isinagawang Community Outreach Program na ginanap sa kahabaan ng Barangay Marikina Heights nito lamang Martes, Agosto 8, 2023.
Ang aktibidad ay pinangasiwaan ni Police Captain Arnold Licerio, Company Commander sa pamumuno ni Police Colonel Mario Malana, Acting Force Commander ng RMFB.
Namigay ang pulisya ng food packs na naglalaman ng bigas, noodles, canned goods, bottled water at facemasks sa mga tricycle drivers ng CCP TODAI.
Matatandaang hindi ito ang unang beses ng pagbibigay ng food packs ng RMFB-NCRPO sa mga kababayan nating nagsusumikap upang kumita para sa pang-araw-araw na pangangailangan ng kanilang mga pamilya. Dahil patuloy ang grupo sa ganitong adbokasiya upang makatulong pa sa nakararami.
Source: RMFB NCRPO
Panulat ni PSSg Remelin M Gargantos
