Isabela – Nagsagawa ang mga kapulisan ng 2nd Isabela PMFC ng Community Outreach Program na idinaos sa Purok-7 Barangay Villa Flor, Cauayan City, Isabela, nitong ika-17 ng Mayo 2023.
Pinangunahan ni Police Captain Reymar Valencia, Team Leader sa panganagasiwa ni Police Lieutenant Colonel Dennis Pamor, Force Commander ng 2nd Isabela PMFC ang nasabing aktibidad.
Nagbigay naman ng pambungad na panalangin si Pastor Roger Vitales para sa pagbubukas ng aktibidad at aktibo naman itong nilahukan ng mga residente at opisyales ng barangay sa pamumuno ni Punong Barangay Mario Dela Cruz.
Nagsagawa din ang grupo ng Blood Pressure monitoring, libreng gupit, pamamahagi ng mga damit, gayundin ang pamamahagi ng mga libreng bitamina at gamot sa mga bata kung saan nasa mahigit 250 na benepisyaryo ang nakinabang.
Kasabay ng aktibidad ay tinalakay din ni Police Captain Valencia ang mga batas kontra terorismo at batas laban sa ipinagbabawal na gamot gayundin ang Anti-Rape Law of 1997, at Anti-Violence Against Women and their Children Act of 2004.
Tampok din sa pagkakawang gawa ng mga stakeholders sa katauhan ni Ginang Yuan De Guzman ang pamamahangi ng libreng serbisyo sa mga mamamayan.
Ang hanay ng Pambansang Pulisya ay patuloy sa pagpapaabot ng libreng serbisyo para sa mamamayan upang mas titibay pa lalo ang ugnayan ng komunidad at kapulisan.
Source: Isabela 2nd PMFC
Panulat ni PSSg Jerlyn V Animos
