Pidigan, Abra – Nagsagawa ng Community Outreach Program ang mga tauhan ng 2nd Abra Provincial Mobile Force Company sa Barangay San Diego, Pidigan, Abra nito lamang Agosto 6, 2022.
Ang aktibidad ay pinangunahan ni PLtCol Igan Pioig Ballangan, Acting Force Commander kasama ang 1st Abra Provincial Mobile Force Company, Community Stakeholders, Pastor Ricky Tagura, Spiritual Life Coach at Pidigan Municipal Police Station.
Ang mga grupo ay nagdala ng mga relief goods sa mga apektadong residente sa nasabing lugar.
Nagsagawa din ng Feeding Program at namahagi ng mga grocery items sa bawat pamilya.
Bukod dito, tinalakay din sa mga residente ang R.A. 10627 (Anti-Bullying Act of 2013), R.A. 7610 (Anti-Child Abuse Law) at R.A. 11313 (Safe Spaces Act) at nagbigay ng mga tips kung ano ang mga dapat gawin sa oras ng kalamidad.
Ang aktibidad na ito ay naglalayong matulungan ang ating mga mamamayan kahit sa maliit na bagay lamang at mas tumibay pa ang samahan ng kapulisan at mga mamamayan.
Source: PNP SecondAbra PMFC
###
