Aglipay, Quirino – Nagsagawa ng Community Outreach Program ang 1st Quirino Provincial Mobile Force Company sa Brgy. San Benigno, Aglipay, Quirino nito lamang Sabado ng umaga, May 28, 2022.
Ang aktibidad ay pinangunahan ni Police Lieutenant Colonel Eugenio Mallillin, Force Commander ng 1st Quirino PMFC kasama ang Company Advisory Group (CAG) sa katauhan ni Ms Joan U Javier, Chairperson at Mrs. Teresita Rodeo, Brgy. Nutritionist ng naturang bayan.
Umabot sa 50 bata ang naging benepisyaryo ng espesyal na sopas, ice cream at libreng gupit.
Bukod dito, walong bata din ang nakatanggap ng libreng tuli o “Project Batman Be a Total Man”.
Lubos naman ang pasasalamat ng mga bata sa kapulisan sa serbisyong ipinaabot sa kanila kasama ang lokal na pamahalaan.
Ang PNP ay hindi titigil sa pagsasagawa ng mga programa na makakatulong sa ating mga kababayang lubos na nangangailangan lalo na ngayong panahon ng pandemya.
###
Panulat ni Police Corporal Jermae D Javier
