Nagsagawa ng Community Outreach Program ang mga tauhan ng 1st Provincial Mobile Force Company ng Negros Oriental Police Provincial Office sa Sitio Lupa, Brgy. Calango, Zamboanguita, Negros Oriental nito lamang Nobyembre 28, 2023.
Naging matagumpay ang aktibidad sa pangunguna ni Police Lieutenant Colonel Marcial Yanguas, Force Commander, katuwang ang mga miyembro ng Force Multipliers.
Kabilang sa mga naging handog ng grupo ang feeding program, pamamahagi ng pre-loved na damit, food packs at libreng medical check-up.
Lubos naman na nagpasalamat ang mga naging benepisyaryo sa nasabing lugar sa programang hatid ng kapulisan.
Layunin ng ating kapulisan na maipadama sa ating mga kababayang lubos na nangangailangan ang pagkalinga at pagmamahal ng pamahalaan tungo sa isang maayos at maunlad na pamayanan.
