Basilan – Nagsagawa ng Community Outreach Program ang mga kapulisan ng 1st Provincial Mobile Force Company ng Basilan Police Provincial Office sa Sitio Burgos Brgy. Colonia, Lamitan City, Basilan nito lamang ika-23 ng Mayo 2023.
Ayon kay Police Lieutenant Colonel Erwin Tabora, Force Commander ng 1st PMFC, naging benepisyaryo ng aktibidad ang mga mahihirap na kababayan na residente ng Lamitan City, Basilan.
Naging matagumpay ang aktibidad na nakapagpamahagi ng food packs sa 25 pamilya.
Lubos naman ang pasasalamat ng mga residente sa naturang lugar dahil sa benepisyong natanggap nila mula sa Pambansang Pulisya.
Samantala, ang aktibidad ay isa sa 5-Focused Agenda ng Hepe ng Pambansang Pulisya upang palakasin at pagtibayin ang relasyon ng komunidad at PNP at upang mabawasan ang pasanin ng mga mahihirap nating kababayan.
Panulat ni Patrolman Charlie Nasroden Corpuz
