Cebu – Naghatid ng kasiyahan ang mga tauhan ng 1st Provincial Mobile Force Company sa isinagawang Community Outreach Program sa mga residente ng Barangay San Jose, Borbon, Cebu nito lamang ika-9 ng Marso 2023.
Ang naturang aktibidad ay pinangunahan ni Police Lieutenant Colonel Jeorge Francis Rodrin, Force Commander ng 1st PMFC, katuwang ang mga tauhan ng Borbon Municipal Police Station sa pangangasiwa ni Police Captain Derrick Inot, Officer-In-Charge at First PMFC KKDAT.
Sinimulan ang nasabing aktibidad sa pamamagitan ng pagbibigay kaalaman patungkol sa RA 9262 (Anti-Violence Against Women and Their Children Act of 2004), RA 9165 (Comprehensive Dangerous Drugs Act of 2002) at Anti-Terrorism.
Sinundan ito ng pamamahagi ng mga food packs sa tinatayang nasa 60 na mga kababaihan at alinsunod sa selebrasyon ng 2023 National’s Women’s Month na may temang “WE for Gender Equality and Inclusive Society.”
Kaugnay nito, tiniyak ni Police Lieutenant Colonel Rodrin na patuloy ang 1st PMFC sa paghahatid ng mga dekalidad na serbisyo sa malalayong lugar upang maramdaman ang malasakit ng PNP kaugnay sa CPNP Peace and Security Framework na M+K+K=K o ang Malasakit, Kaayusan, Kapayapaan tungo sa Kaunlaran at ang KASIMBAYANAN.
