Tigbauan, Iloilo – Nanguna sa isinagawang Commnunity Outreach Program ang mga tauhan ng 1st Iloilo Provincial Mobile Force Company sa pangunguna ni Police Major Joeven Arevalo, Acting Force Commander, sa Sitio Dorog Brgy. Dorong-an Tigbauan, Iloilo nitong ika-27 ng Agosto, 2022.
Katuwang sa ginanap na aktibidad ang mga miyembro ng Sangguniang Bayan sa pangunguna ni Hon. Ana Rowena Perera at LGBTQ sa pangunguna naman ni Hon. Eduardo Delos Santos.
Ang Community Outreach Program ay binubuo ng iba’t ibang aktibidad tulad ng Feeding Program, pamamahagi ng Vitamins sa 100 na mga kabataan, Capillary blood glucose monitoring, Blood Pressure Taking, at 65 residente naman ang naserbisyohan ng libreng gupit.
Ang naturang aktibidad ay isa lamang sa mga programa ng 1st IPMFC na naglalayong maipaabot ang tulong sa mga malalayong lugar na kanilang nasasakupan.
Ang PNP ay ipinaparamdam ang malasakit sa komunidad, gayundin ang pagtutulungan katuwang ang pamayanan upang sugpuin ang kriminalidad at makamit ang kaayusan at kapayapaan para sa kaunlaran.
###
