Loboc, Bohol – Matagumpay na nagsagawa ng Community Outreach Program ang Loboc Municipal Police Station sa Barangay Poblacion Sawang, Loboc, Bohol nito lamang Lunes, Hunyo 20, 2022.
Ang nasabing aktibidad ay pinangunahan ni Police Lieutenant Camilo Muaña Estrera Jr, Chief of Police ng Loboc Municipal Police Station, katuwang ang mga tauhan nito at ang mga kasalukuyang nagsasagawa ng Police Field Training Program at kanilang Field Training Officer, kasama rin ang mga Barangay Officials ng bayan ng Loboc at ang Barangay-Base Force Multipliers.
Ayon kay Police Lieutenant Estrera, sila ay namigay ng mga masusustansyang pagkain para sa mga bata at sa kanilang mga magulang at kasabay ng pagbibigay impormasyon sa mga magulang patungkol sa epekto ng ipinagbabawal na droga at anti-bullying.
Layunin ng nasabing programa na makatulong at maipakita sa mamamayan ang malasakit ng PNP sa ating komunidad lalo na sa mga bata at pagbibigay ng mga aral para naman sa kanilang mga magulang.
###
Panulat ni Patrolman Carl Philip Galido
