Iloilo City – Naglunsad ng Community Outreach Program ang mga tauhan ng Iloilo City Police Station 5 sa pamumuno ni Police Major Kenneth Jay Gratones, Station Commander sa Brgy. Dungon-C, Mandurriao, Iloilo City nito lamang ika-14 ng Hulyo 2022.
Ang matagumpay na pagsasagawa ng feeding program para sa mga bata ay masugid na nilahukan ng mga miyembro ng Iloilo City Police Station 5 Advisory Council, Faith-Based Advocacy Support Groups at Force Multipliers.
Lubos naman ang tuwa at pasasalamat ng mga bata sa pagkain na kanilang natanggap.
Layunin ng PNP na makapagbigay ng tulong sa ating komunidad lalong lalo na sa mga bata upang maipadama ang malasakit at pagmamahal ng Pambansang Pulisya.
###
