Bangued, Abra – Nagsagawa ng Community Outreach Program ang Abra PNP sa Muslim Community sa Barangay Agtangao, Bangued, Abra nito lamang Martes, Hulyo 19, 2022.
Ang aktibidad ay pinangunahan ni Police Lieutenant Colonel Reynaldo Buan, Chief, Provincial Community Affairs and Development Unit, sa pamumuno ni Police Colonel Maly Castillo Cula, Provincial Director ng Abra Police Provincial Office, 1st at 2nd Abra Provincial Mobile Force Company at Bangued Municipal Police Station.
Tinatayang 34 na mga bata ang nahandugan ng mga gamit pang-eskwela at 26 na mga kabahayan ang nakatanggap ng samu’t saring gulay.
Bukod pa rito ay tinalakay at nagbigay ng kaalaman ang mga kapulisan tungkol sa mga usaping Illegal Drugs, Anti-Bullying, Disaster Preparedness at Crime.
Ang naturang aktibidad ay kaugnay pa rin sa pagdiriwang ng ika-27th PCR Month na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan at ng PNP Oplan Bisita Eskwela Strong (BES).
Layunin ng Abra PNP na paigtingin pa ang naumpisahang magandang ugnayan, makapagbigay ng tulong at maipadama ang malasakit at pagmamahal sa mga residente ng nasasakupan.
###
Panulat ni Patrolman Raffin Jude Suaya
