Iloilo – Naglunsad ng Community Outreach Program ang mga tauhan ng 2nd Iloilo Provincial Mobile Force Company sa Brgy. Pili, Ajuy, Iloilo nito lamang ika-14 ng Agosto, 2022.
Ang paglunsad ng nasabing programa ay pinangasiwaan ni Police Lieutenant Colonel Elmer S Magbanua, Acting Force Commander kasama ang Northern Iloilo – Golden Salakot Eagles Club at naging katuwang ang 603rd Company RMFB 6, PNP Anti-Kidnapping Group Iloilo, RHU – Ajuy, Barangay Officials, Health Workers at iba pang mga pribadong sector.
Matagumpay na isinagawa ang Dental Mission, Libreng Tuli at Libreng Gupit na kung saan may kabuuang 450 ang mga naging benipisyaryo ng nasabing programa.
Ang mga ganitong programa ay nagpapakita lamang na ang ating PNP ay patuloy na magbibigay tulong at serbisyo sa mga mamamayan na kanilang nasasakupan upang ipadama ang pagmamalasakit sa kapwa.
