Tawi – Tawi – Aktibong nagsagawa ng Community Outreach Program ang mga miyembro ng Public Safety Basic Recruit Course o PSBRC “SANDIRIGMA” Class of 2019-02 na nakatalaga sa 5th Regional Mobile Force Company ng RMFB BASULTA na ginanap sa Al-Qudwa Integrated Learning Center, Bongao, Tawi-Tawi nito lamang ika-25 ng Nobyembre 2023.
Ang naturang programa ay bilang selebrasyon sa ika-4 na anibersaryo ng PSBRC class kung saan kabilang sa aktibidad ang pamamahagi ng libreng pagkain at gupit para sa mga kabataan ng naturang lugar.
Naging matagumpay naman ang aktibidad katuwang ang 3rd RMFC-RMFB BASULTA sa pamumuno ni Police Captain Kiefer Dean Beray, Bongao Municipal Police Station at Tawi-Tawi Police Provincial Office.
Patunay lamang ang aktibidad na nagpapakita ng malasakit sa ating mga mamamayan tungo sa isang maayos at mas maunlad na pamayanan.
Panulat ni Patrolman Charlie Nasroden Corpuz
