Balamban, Cebu – Nagsagawa ng Community Outreach Program at Medical Mission ang Balamban PNP sa Barangay Sunog, Balamban, Cebu nito lamang Agosto 27, 2022.
Ang aktibidad ay pinangunahan ng mga miyembro ng Balamban Police Station sa direktang pangangasiwa ni Police Lieutenant Colonel Glenn T Hife, Officer-In-Charge, katuwang ang Philippine Dental Association (PDA) at Gothong Southern Foundation (GSF).
Labis na ikinatuwa ng mahigit 100 na mga bata ang kanilang natanggap na tsinelas, sapatos at toothbrush mula sa naturang grupo at nakatanggap din sila libreng medical consultation.
Layunin ng aktibidad na maipaabot ang taos-pusong pagmamahal at serbisyo ng Pambansang Pulisya sa bawat mamamayan partikular na sa mga bata na kanilang lubos na pinapahalagahan.
Laking pasasalamat naman ng Balamban PNP sa mga grupo at indibidwal na palaging nakasuporta sa lahat ng aktibidad na kanilang inilulunsad upang matulungan ang ating mga kababayan sa Central Visayas.
###
