Tangub City – Muling inilunsad ng Misamis Occidental PNP ang Community Outreach Program sa Brgy. Maloro, Tangub City nitong Lunes, Oktubre 3, 2022.
Ito ay pinangunahan ni Police Lieutenant Charien Eztenzo sa ilalim ng pangangasiwa ni Police Lieutenant Colonel Melfin Ian Burlat, Chief, Provincial Community Affairs and Development Unit katuwang ang Tangub City Police Station, 2nd Provincial Mobile Force Company at Philippine Coast Guard.
Nakiisa rin ang mga miyembro ng Ozamis Confession Classified, Alpha Kappa Rho-Kappa Alpha Chapter at APO Fratertal Organization.
Ang nasabing grupo ay nakapagbigay ng tulong at serbisyo kung saan nasa 30 kabataan ang naging benepisyaryo ng free ear piercing at school supplies.
Nagkaroon din ng feeding program sa 50 residente ng nasabing lugar at pamimigay ng medical supplies.
Bukod dito, nagkaroon din ng Coastal Clean-up Drive na kung saan nakalikom ng sako-sakong basura.
Layunin ng Misamis Occidental PNP na mas paigtingin ang naumpisahang magandang ugnayan sa komunidad upang maipadama ang pagmamalasakit at pagmamahal sa mga residente ng kanilang nasasakupan.
Panulat ni Patrolman Nicole Villanueva/RPCADU 10
