San Juan City — Dinagsa ng mga residente ng Barangay San Perfecto ang isinagawang Community Outreach Program at Awareness Lecture sa Brgy. San Perfecto Hall, San Juan City nito lamang Huwebes, Setyembre 21, 2023.
Ang aktibidad ay pinangunahan ng mga tauhan ng Station Community Affairs and Development Section ng San Juan City Police Station sa ilalim ng pangangasiwa ni Police Captain Solomon Santos, Acting Chief, SCADS at sa pamumuno ni Police Colonel Francis Allan Reglos, Chief of Police ng istasyon katuwang ang mga Barangay Officials ng nasabing lugar.
Nagkaroon ng talakayan tungkol sa Drug Awareness, E.O. 70 NTF-ELCAC hinggil sa Recruitment ng mga Communist Terrorist Group (CTG), R.A. 11313 Safe Spaces Act (Bawal Bastos Law), at Public Safety Tips at BSKE 2023 na dinaluhan ng mga Single Parents, Senior Citizens, at PWDs.
Bukod dito, nag-alok din ng mainit na sopas, libreng gupit, at namahagi ng foodpacks ang naturang grupo sa 50 residente ng nasabing lugar.
Ang makapaghatid ng impormasyon sa komunidad at makapag-abot ng tulong sa mga residente ang isa sa 5-Focused Agenda ni Chief PNP, para sa mas maayos at mas epektibong puwersa ng pulisya sa ilalim ng “Community Engagement” Serbisyong Nagkakaisa na syang susi upang makamit ang kapayapaan sa bansa.
Source: San Juan CPS
Panulat ni PSSg Remelin M Gargantos
