Tawi-Tawi – Aktibong nakiisa sa isinagawang Community Outreach Program ang mga tauhan ng 1405th Regional Mobile Force Company ng RMFB 14-B sa ilalim ng pamumuno ni Police Captain Kiefer Dean Beray na ginanap sa Brgy. Sumangat, Bongao, Tawi-Tawi nito lamang ika-11 ng Disyembre 2023.
Ang aktibidad ay mula sa inisyatibo ng High School Batch ’89 ng Mindanao State University.
Kabilang sa mga serbisyong naipamahagi ay ang dental, medical consultation, libreng tuli, feeding program, Philsy assistance at kabilang din ang parlor games at information drive.
Lubos naman ang pasasalamat ng mga kabataang naging benepisyaro ng naturang aktibidad dahil sa kanilang serbisyong natanggap.
Samantala, patunay lamang ang aktibidad sa mas pinatatag na relasyon ng komunidad at ng pulisya tungo sa isang mas maunlad at mapayapang pamayanan.
Panulat ni Patrolman Charlie Nasroden Corpuz
