San Roque, Pateros – Maayos na nagsagawa ng Community Outreach at Livelihood Program ang mga tauhan ng Southern Police District sa Brgy. San Roque, Pateros noong Huwebes, Hunyo 9, 2022.
Ang nasabing aktibidad ay pinamunuan ni Southern Police District Director, PBGen Jimili Macaraeg at ng District Community Affairs and Development Division sa pangunguna ni Police Lieutenant Colonel Jenny DC Tecson, Acting Chief, DCADD kasama ang mga tauhan ng Pateros MPS.
Ito ay dinaluhan din ni G. Alvin Mendoza, Asst. Regional Director, NICA NCR; G. Migz Espiritu, NICA Operations; at G. Danmer John De Guzman, dating miyembro ng CTGFO.
May kabuuang 100 benepisyaryo ang nabigyan ng food packs, packed meals, at bottled water na residente rin ng barangay. Nagkaroon din ng livelihood program tungkol sa rug at paper charcoal making.
Samantala, 60 bata naman ang nabahagian ng sapatos/black shoes.
Isinabay din ang pagtalakay sa NTF-ELCAC, anti-kriminalidad, ilegal na droga at terorismo sa mga dumalo ng nasabing programa.
Ang PNP ay handang tumulong at patuloy na magbibigay ng libreng serbisyo sa ating mga kababayan lalo na ngayong panahon ng pandemya.
Source: DCADD SPD
###
Panulat ni PSSg Remelin Gargantos
