Muling umarangkada ang community-based activities ng Regional Police Community Affairs and Development Unit 2 (RPCADU2) sa ilalim ng pangangasiwa ni Police Lieutenant Colonel Efren L Fernandez II na ginanap sa Callao Elementary School, Barangay Callao, Alicia, Isabela noong ika-13 ng Marso 2024.
Isinagawa ang aktibidad katuwang ang mga tauhan ng Alicia Police Station, miyembro ng KKDAT at Barangay-Based Advocacy Group sa pamamagitan ng takakayan hinggil sa Anti-bullying at masamang epekto ng ipinagbabawal na gamot na aktibong pinakinggan ng mga mag-aaral mula grade 4, 5 at 6.
Pagkatapos ng talakayan ay nagkaroon ng feeding program na lalong nagpasaya sa mga bata at pinilahan ito ng umabot sa kabuuang 160 na mag-aaral.
Nagsagawa din ang grupo ng clean-up drive at nakapagtanim ng 10 punla ng niyog at 10 punla din ng Narra.
Layunin ng aktibidad na ilapit ang kapulisan sa mamamayan lalo na sa mga bata upang huwag katakutan at maging inspirasyon. Patuloy na hinihikayat din ng pulisya ang komunidad na makiisa sa mga programa ng Pambansang Pulisya upang mapanatili ang kaayusan at katahimikan tungo sa isang Bagong Pilipinas.
Source: RPCADU 2
Panulat ni PCpl Kelvin Paul Juan
