Boluntaryong nagbalik-loob sa pamahalaan ang isang miyembro ng Communist Terrorist Group sa Barangay Maduroto, Matuguinao, Samar nito lamang ika-07 ng Pebrero 2025.
Kinilala ni Police Captain Marvin B Labrague, Officer-In-Charge ng Matuguinao Municipal Police Station, ang nagbalik-loob na si alyas “Ka Benjie”, 59 anyos at residente ng Barangay Maduroto, Matuguinao, Samar.
Ang matagumpay na pagbabalik-loob ay resulta ng matagumpay na panawagan at pagsisikap ng mga tauhan ng Matuguinao Municipal Police Station.
Samantala, nakatanggap naman ang nagbalik-loob ng agarang tulong pinansyal mula sa mga kapulisan.
Ang nasabing surrenderee ay nasa kustodiya na ng Matuguinao MPS para sa kaukulang dokumentasyon ng kanyang posibleng enrollment sa programa ng ating pamahalaan na Enhanced Comprehensive Local Integration Program o E-CLIP.
Patuloy na nananawagan ang Pambansang Pulisya sa mamamayan na makiisa at makipagtulungan upang labanan ang insurhensiya at hikayatin ang iba pang mga miyembro at tagasuporta ng CTGs na magbalik-loob sa ating pamahalaan, magbagong buhay kasama ang pamilya at patuloy na sumuporta sa ating gobyerno.
Panulat ni Patrolwoman Ma. Elena B Singian
