General Santos City – Isinagawa nang masaya at naging mainit ang naging pagsalubong ng mga miyembro ng Police Regional Office 12 sa isinagawang Command Visit at Sentimental Journey ni Police Lieutenant General Rhode Sermonia, The Acting Deputy Chief PNP for Administration sa PRO 12 Headquarters, Tambler, General Santos City nito lamang Huwebes, Enero 11, 2024.
Taos-puso namang nagpaabot ng pasasalamat ang Heneral sa mainit na pagtanggap sa kanya ng PRO 12. Gayundin sa mga miyembro ng civil society, peace and order advocates at Non-Government Organizations gaya ng Force Multipliers, CISG 12, Faith-Based Advocacy Support Group, at iba pang mga Advocacy Support Groups, dahil sa kanilang matatag na pagsuporta sa lahat ng programa ng organisasyon at ng gobyerno.
Sa pakikipagdayalogo naman ni PLtGen Sermonia sa hanay ng PRO 12 at sa iba pang dumalo sinabi nito na, “Isapuso ang paglilingkod. Ang pagiging kagawad o opisyal ng PNP ay hindi isang hanap-buhay lang. Don’t do something just for your own benefit. Do it because you know in your heart and mind that this will change the lives of the people you are protecting. Sa aking huling opisyal na pagbisita rito sa PRO 12, nais kong iwan ang mga magagandang aral ng karanasan na sana’y magsilbing inspirasyon sa lahat. Una, isapuso ang paglilingkod. Pangalawa, sundin ang tagubilin ng ating mahal na pangulo. Pangatlo, yakapin ang Transparency and Integrity Program (TIP).”
Si PLtGen Sermonia ang kasalukuyang pangalawa sa pinakamataas na opisyal ng PNP at nakatakdang magreretiro nitong buwan ng Enero 2024 kasabay ng kanyang ika-38 taong panunungkulan sa organisasyon.
Panulat ni Patrolman Khnerwin Jay A Medelin
