Bataan – Nagbahagi ng kaalaman ang Bataan 2nd Provincial Mobile Force Company patungkol sa Combat Medic sa mga residente ng Brgy. Poblacion, Limay, Bataan nito lamang Linggo, ika-18 ng Hunyo 2023.
Ang naturang programa ay pinamunuan ni Police Lieutenant Colonel Florentino Almayda Jr, Force Commander ng Bataan 2nd Provincial Mobile Force Company.
Tinuruan ng mga awtoridad ang mga residente patungkol sa Combat Medic na sa pamamagitan nito ay malapatan ng paunang lunas ang isang sugatan bago itakbo sa malapit na pagamutan.
Labis ang pasasalamat ng mga residente sa hatid na kaalaman at patuloy na nagbibigay ng kaalaman ang Bataan PNP upang pagtibayin ang ugnayan sa kanilang nasasakupan.
Source: 2nd Bataan PMFC
Panulat ni Police Corporal Jeselle V Rivera/RPCADU3
