Catbalogan City, Samar – Timbog ang isang drug personality na college student sa buy-bust operation ng mga operatiba ng Samar PNP sa P-1, Brgy. Mercedes, Catbalogan City, Samar nito lamang Biyernes, Setyembre 2, 2022.
Kinilala ni Police Lieutenant Colonel Jonathan O Del Rosario, Chief of Police ng Catbalogan City Police Station, ang naaresto na si Jose Paulo Tuazon y Gagarino, 27, single, 2nd Year College Student, residente ng P-1, Brgy. Mercedes, Catbalogan City, Samar.
Ayon kay PLtCol Del Rosario, bandang 2:35 ng hapon naaresto si Tuazon sa ikinasang joint buy-bust operation ng Station Drug Enforcement Teams-Catbalogan CPS at Provincial Drug Enforcement Unit-Samar PPO at sa koordinasyon ng PDEA RO8.
Narekober sa suspek ang tatlong piraso ng heat-sealed plastic sachet na naglalaman ng white crystalline substance na hinihinalang shabu na ipinasa sa PNP Forensics Unit para sa laboratory examination.
Nahaharap ang naarestong suspek sa kasong paglabag sa RA 9165 o mas kilala bilang Comprehensive Dangerous Drugs Act of 2022.
Pahayag ni PLtCol Del Rosario, “Ang matagumpay na operasyon ay bahagi lamang ng walang humpay na pagsisikap ng PNP Catbalogan para maipatupad ang anti-illegal drugs campaign ng gobyerno”.
Pinuri naman ni Police Colonel Peter U Limbauan, Provincial Director ng Samar PPO ang mga operating units sa kanilang mahusay na trabaho, aniya “Patuloy pa nating paiigtingin ang kampanya kontra ilegal na droga at kriminalidad tungo sa mas mapayapa at ligtas na komunidad”.
Panulat ni Patrolwoman Rialyn B Valdez
