Camp Crame, Quezon City — Inilunsad ng Pambansang Pulisya ng Pilipinas sa pangunguna ni Chief PNP, Police General Rodolfo S Azurin, Jr., ang coffee table book nito tungkol sa kanyang first 89 days accomplishment report na ginanap sa Multi-Purpose Center, Camp Crame, Quezon City nitong Lunes, ika-5 ng Disyembre 2022.
Prinesenta naman ang buod ng nasabing libro sa pamamagitan ng Audio Visual Presentation bago ito ipakita sa publiko.
Tampok sa accomplishment report ni Tsip ang patuloy na pagsasagawa ng community outreach program sa iba’t ibang dako ng bansa, scholarship grant, retirement assistance, Capability Enhancement and Logistics Management, pagbaba ng krimen, pagkakakumpiska ng higit walong bilyon na ilegal na droga, pagkakaaresto sa mga wanted persons, pagtatapos ng 650,885 drug surrenderees sa iba’t ibang Recovery Wellness Program, at iba pa.
Bilang pormal na paglulunsad ng nasabing coffee table book, nagkaroon ng ceremonial untying si PGen Azurin, Jr. kasama ng kanyang pamilya kasabay ng pamamahagi ng mga ito sa mga dumalo kabilang na ang mga dating Hepe ng PNP, kanyang mga “mistah”, religious sector leaders, at iba pang pinuno ng iba’t ibang tanggapan.
Pinasalamatan naman ni PGen Azurin, Jr, ang mga nasa likod ng matagumpay na paglathala ng naturang coffee table book at sa lahat ng kasapi ng Pambansang Pulisya sa kanilang sakripisyo upang makamit at mapayabong pa ang mga programa ng pulisya sa ilalim ng peace and security framework program na Malasakit+Kaayusan+Kapayapaan=Kaunlaran.
