Sarangani Province – Nagsagawa ng Coastal Clean-up Drive ang mga tauhan ng PNP Maritime Group sa dalampasigan ng Sitio Tampuan, Brgy. Kamanga, Maasim, Sarangani Province nito lamang ika-17 ng Mayo 2023.
Pinangunahan ni Police Captain Marcelino Antonio Nalus, Station Chief, ang aktibidad kasama ang Philippine Coast Guard, Upsilon Phi Sigma at Lokal na Pamahalaan ng Sarangani.
Umabot sa 50 na sako ng mga tuyong dahon, plastik at mga putol na sanga ang nakolekta sa isinagawang paglilinis.
Nagpasalamat naman ang mga residenteng nakatira malapit sa lugar dahil sa pagtulong sa pulisya na malinis ang kanilang komunidad.
Ang aktibidad ay naglalayong panatilihin ang kalinisan sa ating yamang dagat upang maiwasan ang polusyon na maaaring sumira dito.
Panulat ni Patrolman Charnie Atienza Mandia/RPCADU12
