Samar – Muling nagsagawa ang mga kapulisan ng Samar ng Coastal Clean-up Drive sa Barangay Cautod, Sta. Margarita, Samar nito lamang Abril 11, 2023.
Ang aktibidad ay pinangunahan ni Police Master Sergeant Recson Paghunasan, Platoon Sergeant ng 2nd Maneuver Platoon ng 1st Samar Provincial Mobile Force Company sa ilalim ng pangangasiwa ni Police Lieutenant Colonel Francisco Amor Sumpo Jr, Force commander kasama ang Maranatha Baptist Church sa pangunguna ni Pastor Julius Delos Santos.
Sa nasabing aktibidad ay nakalikom ang mga kalahok ng iba’t ibang basura na umabot sa 30 na sako ng mga tuyong dahon, plastic at sanga sa isinagawang paglilinis.
Layunin ng aktibidad na mapanatiling malinis ang yamang dagat at bigyan ng kamalayan ang mamamayan sa pag-aalaga sa inang kalikasan katuwang ang komunidad.
